May mga simpleng pangarap ako noong bata pa. Una, gusto ko maging teacher o cashier sa department store; pangalawa, magkaroon ng bahay na may terrace/balcony at duyan (swing) na gawa sa rattan.
Noong elementary pa kasi ako at tinatamad magturo ang teacher, pagagawain kami ng activity; ang magdrawing ng dream house. Syempre lagi present ang araw sa pagitan ng dalawang bundok, palayan at puno na nakapaligid sa bahay at ang aking pangarap na duyan sa labas.
Iba ang buhay sa probinsya. Sariwa ang simoy ng hangin, maganda ang view ng mga bundok at rice fields, masarap at fresh ang mga pagkain at higit sa lahat walang traffic. Chill lang. Hindi nakakainit ng ulo ang ingay ng mundo.
Up to now kahit madami nang nabago sa buhay at sa mga pinapangarap ko, one thing still remains. I still want the simplicity of my dream when I was young. Ang buhay probinsya para sa aming pamilya. Lagi ko nai-imagine na nagaalmusal at nagku-kwentuhan kami ni Chuck tungkol sa kagandahan ko..(joke lang! Syempre ibubully nya ako..as always! Mas masarap siguro ang 3-in-1 coffe kapag ganito ang view..hehe Hindi na kailangan ng electric fan kasi fresh naman ang hangin. Sobra sigurong matutuwa ang anak kong si Riley habang nagbibisikleta dahil malawak na ang playground niya. Nakakakilig isipin. 🙂
Habang ang aking munting pamilya ang inspirasyon ko, ang view na yan naman ang motivation ko. Mahirap man magsimula..pero mas mahirap kapag wala kang nasimulan kasi hindi matatapos yan.
Hindi naman masama mangarap ng engrande. “Dream Big” as what they say. Tama naman ‘yon..but for me, wala rin masama kung i-achieve mo rin ‘yong mga unfulfilled dreams mo di ba? Wag kang gaya-gaya. Hindi porke’t mansion na ang bahay ng kaibigan mo, maiinggit ka na rin. Gawin mo lang itong inspirasyon to improve yourself. Balikan mo ‘yong mga simpleng bagay na nagpapasaya sayo. Iba man ang ikot at ganap sa universe ngayon, naniniwala ako na your inner core makes you authentic. Take time to listen to that at made-discover mong may purspose ka pala talaga sa buhay.
Masyado na bang madrama? Nagsimula lang sa duyan, ang dami nang nasabi. Feel na feel ko kasi eh..hehe
Ito ang lagi kong sinasabi sa sarili ko:
“Malaki man o maliit ang pangarap mo, matutupad lang ito kung may effort at consistency ka. Never give up Mommy. Wag iyakin at mag-lipstick!”
-Khay ❤